Etxarri Aranatzek, gaur egun dituen Kirol instalazioak hurrengoak dira: Euskalerriari pilotalekua, Andra Mari Ikastola herrian, Maisu-Maistren etxea, belarrezko eta arezko futbol zelaiak, Andra Mari Ikastola utzubar txikin, San Donato Eskola Publikoa eta Etxarriko Kanpina.
Hauetatik, hainbat Kirol instalazioren kudeaketa Udalak zuzenean eramaten du eta beste batzuk zesio moduan edo kontratu bidez esleituak daude. Udalak, Euskalerriari pilotalekua, San Donato Eskolako pilotalekua, Maisu-Maistren etxea eta Futbol zelaiak kudeatzen ditu.
-
Euskalerriari pilotalekua:
Larrañeta kalean dago kokatua. Herriaren erdigunean.
Ikasturtean zehar, irailetik ekainera, goizeko 9tatik arratsaldeko 15:00etara Andra Mari Ikastolako ikasleek erabiltzen dute. Arratsaldeetan berriz, Gure Pilota Elkarteak, esku pilota eta palan entrenatzeko, erabiltzen du. Ostiral arratsaldetan eta larunbata eta igande goizetan, esku pilota eta pala txapelketan antolatzeko erabiltzen da. Aldagelak ditu: Komunak eta dutxa.
-
Andra Mari Ikastola herrian:
Larreñeta kalean dagoen eraikina. DBHko ikasleak biltzen dituena.
Ikastolan soinketa gela edo gimnasio txiki bat dago. DBHko ikasleak soinketa egiteko erabiltzen dute eta gaure egun Yoseikan Budo arte martziala ematen da bertan. Udalak, bere Kirol ikastaroak egiteko erabili ohi du, soinketa lasaia, aerobic, zumba, dantza latindarrak, yoga egiteko.
Andra Mari Ikastolaren kanpo aldean, geinbera duen patio bat dago. Ikastolako ikasleek erabiltzen dute patio ordutan eta arratsaldetan herriko haurrak jolasean ibiltzen dira. Ikastolaren atzeko aldean, kanastak dituen beste patio txiki bat dago. Hau ere errekreo orduan ikastolak erabiltzen du eta arratsaldean herritarrek erabiltzen dute.
-
Maisu-Maistren etxea:
Larreñeta kalean dago kokatua. Bilkura gelak eta Gaztetxokoa biltzen da bertan.
Kirol arloari dagokionean, dutxak eta aldagelak ditu.
-
Futbol zelaiak:
Utzubar txikin, herriaren kanpoaldean daude kokatuta. Bi futbol zelai ditugu, bata arezkoa eta bestea belarrezkoa.
Etxarri Aranazko Futbol taldearekin sinatua dagoen hitzarmen baten ondorioz, Futbol taldeak kudeatzen Etxarri Aranatzen, egun dauden ditu bi futbol zelaiak. Arezkoan, benjaminetatik gazteen talde arte entrenatu eta partiduak jokatzen dituzte eta belarrezkoan aldiz, Erregional mailako preferentean entrenatu eta jokatzen dute hamabostean behin.
Osasuna fundazioak ere, astelehen eta astezkenetan, eguraldiaren arabera belarrezko futbol zelaian entrenatzen du.
Futbol zelaian dauden aldagelak eta dutxak futbol taldeak kudeatzen ditu.
-
Andra Mari Ikastola berria:
Herritik kanpo, Utzubar Txiki eremuan dago.
Haur Hezkuntzako eta Lehen Hezkuntzako ikasleak biltzen dira bertan. Kirol instalazioei dagokienean, Ikastolak kudeaketa zuzena egiten du. Bertan daude, soinketa gela bat dutxa eta aldagelekin, frontoi txiki bat eta Kirol pista bat. Eskolaz kanpoko ordutan, kanpoan dagoen frontoi txikia eta Kirol pista irekiak egoten dira herritarrak erabiltzeko.
-
San Donato Eskola Publikoa.
Utzubar Txikin dago kokatua.
Kirol instalakuntzei dagokionean, frontoi estalia, kanpoko Kirol pista eta parkea ditu. Eskola ordutan, bertako zuzendaritzak kudeatzen du eraikina eta eskola ordutik kanpo, kanpoko patioa herritarrentzat zabalik dago eta barruko frontoiko egutegi eta ordutegia, udalak eramaten du zuzenean. Herriko Kirol taldeen eskaeren arabera orduak banatzen dira.
-
Etxarriko kanpina:
Danbolintxulo parajean dago Etxarriko kanpina. Beheko basoaren bihotzean alegia. Kanpina bi eremu desberdinetan dago banatua, igerilekua alde batetik eta kanpina bestetik. Enpresa batek dena kudeatzen badu ere, pertsona orok, herritarra edo kanpotarra izan, sarrera edo abonu bat erosiz gero, igerilekuetan sartu daiteke. Igerilekuen eremuan, ping-pong mahai bat, Kirol pista bat eta frontoi moduko estalki txiki bat daude. Kanpinaren eremuan, tenis pista bat dago.
