Honako hauek dira Udalak herritarren eskura uzten dituen instalazioak, eta instalazio horiei dagokien tasa:
| ESKOLAKO PILOTALEKUA | |
| ESKOLAKO PILOTALEKUA ARGIAREKIN | 7€/orduko |
| ESKOLAKO PILOTALEKUA ARGI GABE | 5€/orduko |
| Fianza: 100€ garbiketetarako + kalteetarako | 100,00 € |
| Giltza hartzeko fidantza | 20€ |
| UDAL PILOTALEKUA | 2€/orduko |
| Fianza: 100€ garbiketetarako eta kalteetarako | 100,00 € |
| KULTUR ETXEA | |
| Areto nagusia | egun osoa 100€/ egun erdia 50 €/ordua 25 € |
| Bideo gela | egun osoa 50€/ egun erdia 25€/ ordua 10€ |
| Erabilera anitzeko gela (2.solairuan) | egun osoa 50€/ egun erdia 25€/ ordua 10€ |
| Gelak | 10 € lehenengo orduan eta hortik aurrera, 5€/orduko |
| Berogailua jarri behar bada | %50a gehiago |
| Teknikariaren gastuak | erabiltzaileak |
| Fidantza: 100€ garbiketetarako eta kalteetarako |
Eskatzaileak tasak ordaintzetik salbuetsiak izango dira, honako baldintzak guztiak betetzen badira:
Oro har, taldeak edo eragileak ez dira Kultur Etxea erabiltzeko ezarrita dagoen tasa ordaintzetik salbuetsiko, iragarri gabeko barne-bilerak egiteko bada. Izan ere, herriko eragileek Maisu-Maistren etxea euren esku dute barne-bilerak egiteko.
Salbuespena egingo da Maisu-Maistren etxean gelarik ez duten talde edo eragileen kasuan. Beti ere taldea irabazi asmorik gabea bada, eta interes orokorreko kultur, kirol edo gizarte gaiak lantzeko bada.
PROZEDURA: Eskaerak, idatziz egin beharko dira eta horretarako dagokion inprimakia bete beharko da. Inprimaki hau, bulegoan erregistratu daiteke edo korreo elektroniko bidez bidali daiteke.
EPEAK: Eskaera guztiak garaiz eta idatziz eskatu behar dira, 7 egun lehenago gutxienez. Herriko frontoia erabiltzeko, 15 egun lehenago egingo da eskaera. Kultur Etxeko Areto Nagusia erabiltzeko, eskaera 10 egun lehenago egin beharko da eta gainontzeko gelak erabiltzeko, aste bat lehenago. Oro har, ez da baimenik emango gauzak ez badira garaiz eta idatziz eskatzen, ongi justifikatutako salbuespenak edo urgentziak kasu.
ESKAERA BATERATUAK: Ospakizun edo ekitaldi bakoitzeko eskaera bakarra egingo da (Festak, Feriak, egun bereziak, ekitaldiak…), bai udal instalazioak erabiltzeko, bai materiala erabiltzeko, eta baita kale-okupaziorako. Ospakizun edo ekitaldian eragile batek baino gehiagok parte hartzen badu, pertsona batek hartuko du eskaera bateratua egiteko ardura, eta koordinatzeko ardura, eragile guztien izenean.
ZAINKETA
INSTALAZIOAK: Eskatutako instalazioak garbi utzi beharko dira, ateak, leihoak eta pertsianak ongi itxita, eta argiak behar bezala itzalita. Giltzak garaiz entregatu beharko dira udal bulegoan. Ezingo da udal instalazioetan materialik utzi, ez bada Udalak propio baimena emanda. Zainketa hau bermatzen ez bada, Udalak hurrengo batean baimena ematea ukatu ahal du.
