Etxarri Aranatzerako prebentzio neurriak. Apirilaren 15etik 29ra. Zaindu gaitezen.

 

Ikusita Nafarroako Foru Erkidegoko Lehendakariaren apirilaren 13ko 17/2021. Foru Dekretua, zeinaren bidez Etxarri Aranazko Udalerrirako sarrera eta irteerak 2021eko apirilaren 15etik 29ra (biak barne) murrizten direla.

Guzti hori dela eta, Alkatetza honek EBATZI DU:

 

1.- Ondoan zehazten diren Udal eraikinen itxiera agintzea 2021eko apirilaren 15etik 29ra (biak barne), SARS-CoV-2ak eragindako infekzioen hedapena murrizteko:

- Kultur eta kirol arloko instalazioak (Kultur Etxea, Udal pilotalekua eta futbol zelaia).

Era berean, aldi horretarako aurreikusitako kultura- eta kirol-jarduera guztiak bertan behera utziko dira (futbola, pilota, Udalak antolatutako kultura- eta aisialdi-jarduerak, kultur etxeko bilerak, etab.).

-          Autokarabanendako gunea.

 

2.- Astero egiten den merkatu txikia bertan behera uztea 2021eko apirilaren 15etik 29ra.

 

3.- Herritarrei osasun agintariek ezarritako prebentzio-neurriei eustea garrantzitsua dela gogoraraztea.

Zehazki, gogorarazten da oso garrantzitsua dela urruntze soziala eta ahalik eta gehien murriztea gure familia-unitatetik kanpoko pertsonekiko harremanak.

Horrekin batera, Etxarri Aranatzeko bizilagunei dei egiten zaie leku itxietan bilera oro saihesteko, eta gogorarazten zaie ezingo direla 4 pertsona baino gehiago elkartu (bizikidetza-unitate bereko pertsonak ez badira).

 

4.- Ostalaritza- eta jatetxe-establezimenduek Foru Erkidegoko gainerako establezimenduek dituzten murrizketa berberak izan beharko dituzte.

Ildo horretan, gogorarazten da debekatuta dagoela establezimenduen barruan kontsumitzea (araudian aurreikusitako salbuespenetan izan ezik); eta terrazetan mahai bakoitzean gehienez 4 pertsona egotea. Edonola ere, eserita kontsumituko da.

 

5.- Adierazitako neurriak 2021eko apirilaren 15eko 00:00etatik aurrera indarrean sartuko dira.

 

6.- Informazio honekin Bando bat argitaratzea, herritar orok ezagutu dezan.