2021/03/18
Asteburu honetan Etxarrin gertatu den ezbehar bat ekarri nahi izan dugu gogora gaur Osoko bilkura honetara, Euskal Herriko komunitatean samin handia eragin duen ezbehar honetan Fran Balda Arbizuarrak utzi gaitu eta udalbatza honen aldetik eskerrak eman nahi dizkiogu eman digun guztiagatik, gure herriarekin eta baita beste herriekin konprometitua eta lanean ibili den militante nekaezina izan da. Arbizuko herriari gure besarkadarik beroena eman nahi diogu, Sakanan oso ezaguna zen baita ere eta gure bailararentzat egin duen lana azpimarratu nahi dugu.
Une latz hauetan, haren senide eta gertukoienei lagun egin nahi diegu, gure elkartasuna eta babesa helarazteko.
Eskerrik asko Fran, eman duzun guztiagatik eta unerik zailenetan ere umorez jarduteagatik. Mila esker, agur eta ohore.
