2020/05/06
OSASUN MINISTERIOAREN AGINDUA, GARRAIOBIDEETAN MASKAREN ERABILERARI BURUZKO JARRAIBIDEAK EZARTZEN DITUENA ETA BALDINTZAK EZARTZEN DITUENA MUGIKORTASUN SEGURUA BERMATZEKO NORMALTASUN BERRI BATERAKO TRANTSIZIORAKO PLANAREKIN JARRAIKI. (123. EAO,
2020ko maiatzaren 3koa).
Hona hemen aginduaren alderdi nagusienak:
I. MASKAREN ERABILERA GARRAIO PUBLIKOAN
- Derrigorrezkoa izanen da maskaren erabilera sudurra eta ahoa estalita eramanez, autobuseko, treneko eta aireko zein itsasoko garraioko erabiltzaileentzako.
- Halaber, maskara derrigorrezkoa izanen da garraio publikoaren erabiltzaileentzat gidaria barne hartuta bederatzi toki arteko ibilgailuetan.
- Garraio zerbitzuen langileek bidaiariekin harreman zuzena badute, maskara eraman beharko dute eta gel hidroalkoholikoa eskura eduki beharko dute.
II. LURREKO GARRAIOAN AUTOEN OKUPAZIOARI DAGOZKION BALDINTZAK
- Pertsonen garraio pribatu partikularretan eta garraio pribatu osagarrietan gidaria barne hartuta bederatzi toki arteko ibilgailuetan, eserleku ilara bakoitzeko bi pertsonek bidaiatu ahalko dute, betiere, maskara jantzita dutela eta ibilgailuko pertsonen arteko ahalik eta tarte handiena errespetatuz.
- Bidaiarien garraio publikoetan, gidaria barne hartuta bederatzi toki arteko ibilgailuetan, gidariaren eserleku ilaraz gain ilara bakoitzeko bi pertsonek bidaiatu ahalko dute bidaiarien arteko ahalik eta tarte handiena bermatuz.
- Haien ezaugarri teknikoengatik eserleku ilara bakarra duten ibilgailuetan, gehienez bi pertsonek bidaiatu ahalko dute maskararekin eta haien arteko ahalik eta tarte handiena errespetatuz. Hori bete ezean, gidariak soilik bidaiatu ahalko du.
- Autobuseko bidaiari-garraio publiko erregularrean, publiko berezian eta pribatuan eta publiko pribatu osagarrian, bidaiari guztiak eserita joan behar direnetan, enpresek neurriak hartu beharko dituzte bidaiarien arteko ahalik eta tarterik handiena egoteko. Horrenbestez, ezingo da eserleku kopuruaren erdia baino gehiago bete. Autobusetan, gidariaren atzealdeko ilara hutsik mantenduko da beti.
- Hiri-garraio eta hiri inguruko garraio publiko kolektiboetan, bidaiariak zutik joan ahal direnetan, pertsonek haien arteko ahalik eta tarterik handiena manten dezaten bermatuko da. Horretarako, erreferentzia gisa tokien erdiak beteko dira eta zutik joateko eremuan metro karratu bakoitzeko bi bidaiari joan ahalko dira.
III. ERABILTZAILEEN BABESA HANDITZEKO NEURRIAK.
- Garraio nodoen kudeatzaileek bidaiarien sartu-irteerak dauden tokietan neurriak ezarriko dituzte bidaiariek modu antolatuan mugitzeko eta jende pilaketak ekiditeko.
- Garraio zerbitzuen kudeatzaileek kartelak eta mezuak areagotuko dituzte jende pilaketak egon daitezkeen guneetan pertsonen arteko tartea gordetzeko eta higiene neurriak mantentzeko beharra gogorarazteko.
