2022/01/31
Etxarri Aranazko LH6. maila – DBH 4. maila bitarteko gazteeen familiei zuzendutako oharra: Covid 19a dela eta, 2020-2021 ikasturtean, Gaztetxokoa zabaltzea ezinezkoa izan zen arren, berriro ere, 2022ko urtarrilaren 22an, Etxarri Aranazko Gaztetxokoa martxan jarriko da. Zabalik egon zen azken urtean bezala, aurten ere, LH 6. mailako gazteei parte hartzeko gonbidapena luzatzen diegu eta beraz, bertan parte hartzeko aukera 11-16 urte bitarteko gazteak izanen dute. Gaztetxokoa, urtarrilaren 22tik, maiatzaren 29ra bitarteko asteburuetan zabalik egonen da. Larunbatetan, 17:00etatik 21:00etara eta igandetan 17:00etatik 20:30era. Ohar honekin batera, 2022ko urtarriletik maiatzra bitarteko ikasturteko egutegia eta matrikula orria bidaltzen dizkizuegu. Ordainketa egin ondoren, ordainagiria matrikula orriarekin batera udalean aurkeztu beharko da. Gaztetxokoaren inguruan informazio gehiago nahi izan ezkero gurekin harremanetan jarri, Udaletxean 10:00etatik 14:00etara, 606239008 telefonoan 9:00etatik-14:00etara, edota kultura@etxarriaranatz.eus helbide elektronikoan. Gaztetxokoan parte hartuko duzuelakoan, Etxarriko Gaztetxokoko Lantaldea.
Matrikula zaitez eta etorri Gaztetxokora!
