2017/09/15
Etxarri Aranazko Udalak Etxarriko Mendi Antolakuntza Proiektuaren Plan Berezia onartzeko parte hartze prozesu bat bultzatu du. 2015ean izandako parte hartze prozesuari esker Mendi Antolakuntza Proiektuaren oinarriak ezarri ziren. Oraingoan, proiektu horren Plan Bereziak jasotzen dituen neurriak plazaratuko dira herritarren ekarpenak jasotzeko.
Batzarrak Etxarriko Kultur Etxean egingo dira, irailaren 14an eta urriaren 15an 20:00tatik 22:00tara. Lehenengoan Plan Bereziaren oinarriak aurkeztuko dira eta partaideen ekarpenak jasoko dira. Ondoren, Plan berezia herritarren eskura egongo da Udaletxean ekarpen berriak plazaratzeko. Bigarren saioan jasotako ekarpenen balorazioa egingo da.
ETORRI ETA PARTE HARTU ETA ZURE PROPOSAMENA AURKEZTU!
