Gure herriaren garapen sozio-ekonomikoa Sakanako eskualdeari lotua dago, Sakanako Plan Estrategikoaren baitan, hain zuzen ere. Tokiko sektoreak indartzea lehentasunezkoa da: industria, nekazaritza, abeltzaintza, artisautza, turismoa, zerbitzuak eta merkataritza. Xede nagusia baita Sakanan bizi, lan egin, kontsumitu eta gozatu ahal izatea, bertako baliabideak erabiliz. Horretarako, Etxarri Aranazko Udala elkarlanean ari da Sakanako Garapen Agentziarekin eta Cederna-Garalurrekin.
